Qeveria në detyrë sot ka marrë vendim që të heq tarifën 10% ndaj produkteve amerikane.
Kryeministri në detyrë, Albin Kurti, ka thënë se nga sot e tutje të gjitha produktet amerikane që hyjnë në Kosovë do të kenë tarifë zero për qind.
Sipas tij, Kosova i mirëpret produktet amerikane në tregun e saj.
“Tjetër vendim i rëndësishëm që po marrim sot është largimi i tarifës doganore për SHBA-në. Kështu nga tani e tutje të gjitha produktet nga SHBA do kenë zero për qind tarifë kur të hyjnë në Kosovë. Kosova i mirëpret produktet amerikane në tregun e saj dhe besojmë fuqishëm se kjo do të ndikojë në rritjen e këmbimit tregtar dhe shtimin e investimeve”, ka thënë Kurti.