Rinesa Qeriqi, e njohur edhe me emrin skenik “Rinesancë”, po përballet me betejën më të madhe të jetës së saj: një tumor në tru.
Këngëtarja 24-vjeçare, njëkohësisht edhe tekstshkruese e kompozitore, ka kryer dy ndërhyrje të rënda kirurgjikale në Spitalin St. Michael’s në Toronto, më 23 dhe 29 prill 2025. Aktualisht, Rinesa ndodhet në një qendër rehabilitimi pas operacioneve dhe pritet të nisë një trajtim të gjatë radiologjik për të përballuar këtë sfidë shëndetësore.
Përballë kësaj sprove, Rinesa ka ndërprerë studimet dhe karrierën e saj muzikore, si dhe punën që e ndihmonte të mbulonte shpenzimet e jetesës në Toronto. Familja e saj prindërit dhe motra janë zhvendosur pranë saj për t’u kujdesur 24 orë në ditë, duke përballuar një barrë të rëndë financiare që dita-ditës po bëhet e pa përballueshme.
Për këtë arsye, ata po mbledhin fonde për trajtimin e Rinesës pasi çdo ndihmë ka peshë të madhe për Rinesën dhe familjen e saj.
Kushdo që ka mundësi dhe dëshirë mund të kontribuojë në linkun e mëposhtëm:
Fundraiser for Rinesa Qeriqi by Lejdi Ago : Help Rinesa Qeriqi Fight Brain Tumor