Kërkoni produkte në foleja.com
Janjiq për zhvillimet në Veri: Po rrumbullakoset Marrëveshja e Ohrit, Banjska rrumbullakosi pozicionin e Serbisë dhe serbëve
“Ajo që po ndodh tani në Kosovë është definim i Marrëveshjes së Ohrit. Është imponimi i normalitetit dhe “dashuria e detyruar” nuk mund të jetë kurrë e këndshme. Para së gjithash, nuk është e këndshme për serbët në veri të Kosovës dhe nuk mund të jetë e këndshme për askënd në Serbi që kujdeset për demokracinë dhe njëfarë respekti themelor për vlerat”, tha kryetar i Forumit për Marrëdhënie Etnike Dushan Janjiq për gazetën serbe “Danas”.
Kjo, thotë ai, është diçka që komuniteti serb e percepton si “një poshtërim, si humbje dhe për këtë arsye në Serbi lindin zhgënjime të thella, të cilat e pengojnë vendin të largohet nga epoka e Millosheviqit dhe që çon në realizimin e ëndrrës së [Dobrica] Ćosić-it për Serbinë si pashallëk beogradas”.
Po ashtu, Janjiq thotë se “aksioni në Banjskë” në fakt varrosi pozicionet e Beogradit dhe serbëve në Kosovë.
“Nuk mund t’i shpëtoj përshtypjes se aksioni në Banjskë ishte një aksion i përgjuar në të cilin keni elementë terroristë, që do të thotë se ka qenë i organizuar. Ka edhe sulm ndaj NATO-s në Zveçan dhe gjëra të tjera. E gjithë kjo e solli krizën në pikën e vlimit të sigurisë, gjë që është tragjike, por edhe e mirë, sepse nuk mund të gënjehej më se nuk kishte njësi paraushtarake, terroriste dhe doli se kishte fundamentalistë islamikë. Ka ardhur koha e maturimit. Ajo krizë u soll deri në atë pikë sa Serbia duhej të tërhiqej”, thotë Janjiq.