Turqia, e cila po nxiton të forcojë fuqinë e saj ajrore, u ka propozuar partnerëve evropianë dhe SHBA-së mënyra se si mund të sigurojë shpejt avionë luftarakë të avancuar, teksa kërkon të mbajë hapin me rivalët rajonalë si Izraeli.
Turqia, anëtare e NATO-s dhe me ushtrinë e dytë më të madhe në aleancë, synon të shfrytëzojë marrëdhëniet më të mira me Perëndimin në vitet e fundit për të shtuar flotën e saj të vjetërsuar me 40 avionë Eurofighter Typhoon, për të cilët nënshkroi një marrëveshje paraprake në korrik, dhe më vonë edhe avionë F-35 të prodhuar në SHBA.
Kjo pavarësisht sanksioneve nga Uashingtoni që aktualisht pengojnë një marrëveshje të tillë. Sipas burimeve të cituara nga Reuters, sulmet e Izraelit ndaj fqinjëve të Turqisë, Iranit dhe Sirisë, si dhe ndaj Libanit dhe Katarit kanë nxitur urgjencën e Ankarasë për një forcim të shpejtë të fuqisë ajrore për të kundërshtuar kërcënimet e mundshme dhe për të mos mbetur të pambrojtur.