Pas një jave kërkimesh, policia italiane ka gjetur trupin e pajetë të Ilaria Sulës, 22-vjeçares shqiptare që ishte zhdukur më 25 mars në Romë.Sipas mediave italiane, trupi i saj u zbulua mëngjesin e kësaj të mërkure në një zonë të pyllëzuar pranë komunës së Polit, në periferi të kryeqytetit italian. Viktima ishte futur brenda një valixheje dhe ishte hedhur në fund të një gremine.
Ilaria, jetonte në lagjen Furio Camillo të Romës, ku ndante një apartament me disa shoqe. Ajo ishte studente në Universitetin e njohur të La Sapienza-s.
Natën e zhdukjes, ajo kishte shkëmbyer disa mesazhe në WhatsApp me shoqet e saj, të cilat u shqetësuan kur ajo nuk u kthye në shtëpi. Që nga ai moment, telefoni i saj mbeti i fikur.
Familja dhe shoqet e denoncuan zhdukjen në komisariatin e San Lorenzos, duke nxitur nisjen e hetimeve nga policia italiane.
Hetuesit e Skuadrës Mobile të Romës dhe komisariati i San Lorenzos po hetojnë një pistë ku dyshimet bien mbi ish të dashurin e 22-vjeçares, një shtats nga Filipinet.
Autoritetet italiane po punojnë intensivisht për zbardhjen e plotë të ngjarjes dhe arrestimin e autorit ose autorëve.