Kur po mbushen katër muaj nga zgjedhjet parlamentare të 9 Shkurtit, Kosova ende nuk ka konstituuar institucionet e saj. Pasi deputetët u betuan, një nga dy pikat e vetme të kaluara nga rendi i ditës, ngërçi ka mbetur tek zgjedhja e kreut të ri të parlamentit. Për ish-kreun e Gjykatës Kushtetuese të Kosovës, Enver Hasani, zgjidhja është e thjeshtë, të veprohet si në të kaluarën.
“Duhet të veprohet siç është vepruar në të kaluarën, të kërkohet koalicion dhe kompromis në mes të partive politike”, iu përgjigj ai pyetjeve të gazetarit të Tvklan.al.