Veton Thaçi, nip i ish-presidentit Hashim Thaçi, i ka reaguar ushtrues së detyrës së kryetares së Partisë Demokratike të Kosovës, Vlora Çitaku, pasi ajo e dënoi me fjalë aktgjykimin e sotëm të Gjykatës Speciale.
Çitaku, me reagim në rrjetin social Facebook, e quajti “të papranueshëm” aktgjykimin e Gjykatës Speciale ndaj Thaçit dhe katër të tjerëve për rastin e pengimit në drejtësi.
Reagimi në Facebook i Çitakut ka nxitur reagimin e nipit të ish-presidentit, Vetonit.
“Boll me statusa o zojë, veproni”, ka komentuar Veton Thaçi, djali i Nijazi Thaçit.
Përpos nipit të Thaçit, edhe dhjetëra komentues të tjerë e ‘masakruan’ në komente u.d. kryetaren e PDK-së. Komentuesit e kritikuan Çitakun për tërheqjen e Ligjit për Specialen dhe mungesën e veprimeve rreth Gjykatës Speciale.
