Avokati i njohur, Besnik Berisha ka reaguar për vrasjen e 30-vjeçares, Liridona Ademaj Murseli, që dyshohet se mbeti e vrarë nga një plumb në qafë i shkrepur nga Granit Plava, i cili dyshohet se u porosit nga Naim Murseli, bashkëshorti i Liridonës.
Berisha beson se njerëzit që prekin këto limite duke angazhuar njerëz të tjerë për kryerjen e vrasjes së një nëne, nuk mund t’i bëjnë dot ballë burgut, teksa duke lënë të nënkuptohet se çka, sipas tij, e pret Naimin, tha se “pjesën tjetër po besoj që e kuptoni vet”.
“Ata qe paguajne mercenar per ta vrare nje nene sic u vra Liridona, burgun se durojne dot. Pjesen tjeter po besoj qe e kuptoni vet”, ka shkruar ai.
Sot pas seancës dëgjimore, Gjykata Themelore në Prishtinë u ka shqiptuar tre të dyshuarve masën e paraburgimit me kohëzgjatje prej një muaji.