Një taksist është dërguar në mbajtje pasi dyshohet se e ka sulmuar seksualisht një pasagjere në Prishtinë të hënën në mbrëmje, ka njoftuar Policia në raportin 24-orësh.
Në raport theksohet se “viktima femër kosovare ka raportuar se derisa ka qenë në veturën Taxi, i dyshuari mashkull kosovar – ngasësi, e ka ngacmuar me fjalë të ndryshme, ka filluar ta prekë në pjesën e trupit (këmbë)”.
I dyshuari është arrestuar dhe pas intervistimit me vendim të prokurorit është dërguar në mbajtje, ka njoftuar Policia.
Sipas njoftimit, rasti ka ndodhur në rrugën “Bill Clinton” në kryeqytet rreth orës 19:30. /Reporteri.net/