Aeroplani i pasagjerëve që fluturonte nga Azerbajxhani në Rusi u rrëzua pranë qytetit Aktau në Kazakistan të mërkurën, duke lënë të vdekur 38 pasagjer, ndërsa 29 të tjerë arritën të mbijetonin. Të mbijetuarit sipas autoritetev e lokale kazake thuhet se morën trajtim mjekësor.
Fluturimi J2-8243 i Azerbajxhan Airlines kishte fluturuar qindra milje larg rrugës së tij të planifikuar për t’u rrëzuar në bregun përballë Detit Kaspik, pas asaj që mbikëqyrësi i aviacionit të Rusisë tha se ishte një emergjencë që mund të ishte shkaktuar nga një goditje zogjsh. Por një ekspert i aviacionit sugjeroi se shkaku dukej i pamundur raporton Reuters.
Zyrtarët nuk shpjeguan menjëherë pse kishte kaluar detin, por përplasja erdhi menjëherë pasi sulmet me dron goditën Rusinë jugore. Aktiviteti i dronëve ka mbyllur aeroportet në zonë në të kaluarën dhe aeroporti më i afërt rus në rrugën e fluturimit të aeroplanit u mbyll të mërkurën në mëngjes.
Presidenti i Azerbajxhanit, Ilham Aliyev tha se sipas informacioneve që kishte marrë, avioni ndryshoi kurs për shkak të motit të keq, por ai shtoi se shkaku i rrëzimit nuk dihet dhe duhet të hetohet plotësisht.Kjo është një tragjedi e madhe që është bërë një pikëllim i jashtëzakonshëm për popullin azerbajxhanas,” tha ai.