Gazetari holandez Vincent van Gerven Oei paralajmëron se denoncimet e publikuara në librin ‘The Albanian Files’ për lidhjet mes kryeministrit Edi Rama, kompanive arkitekturore dhe investitorëve privatë janë vetëm fillimi i një historie shumë më të gjerë.
Në intervistën ekskluzive në SYRI TV, Oei thotë se për të arritur deri te thirrja e Ramës në SPAK, duhet të lidhen fillimisht të gjitha fijet e marrëdhënieve mes arkitektëve, kompanive të ndërtimit dhe institucioneve shtetërore.
Sipas Oeit, libri dokumenton rreth 50 deri në 100 projekte, por në Shqipëri janë miratuar shumë më tepër, përfshirë qindra projekte vetëm në Tiranë.
Ai këmbëngul se duhet hetuar i gjithë sistemi i vendimmarrjes dhe përfundon me një qëndrim të prerë: ‘The Albanian Files’ është vetëm maja e ajsbergut, ndërsa korrupsioni, sipas tij, përbën krim si në aspektin ligjor, ashtu edhe në atë moral.
Intervista:
Oei: Po, mund të nisesh me arkitektët që tani kanë folur hapur për lidhjen e kryeministrit me kompaninë arkitekturore, me kompanitë private, me investitorët, me të gjitha. Në një mënyrë që patjetër nuk është sipas ligjit, le ta themi. Këta mund të thirren së pari. Pastaj mund të thirren të gjithë këta kompanitë që ndërtojnë pallatet, resortet.
Edhe ne e dimë që disa janë thirrur në të kaluarën, për shembull në lidhje me sheshin Skënderbej, në lidhje me resortet në Palasë, domethënë disa prej këtyre janë tani të paraqitur te SPAK-u. Tani duhet vetëm të lidhen të gjitha këto fije në një mënyrë që krijohet një dosje që mund të lejohet thirrja e Ramës. Sepse patjetër duhet…Gazetarja: Ka më shumë për të zbuluar?
Oei: …çikë evidencë, duhet çikë kështu…
Gazetarja: Ka më shumë për të zbuluar mes rreshtave, pra thënë këtë, ka më shumë për të zbuluar?
Oei: Duhet çikë peshë. Po absolutisht po, unë mendoj që ne nuk kemi parë asgjë akoma.
Gazetarja: Që do të thotë, se kjo është shprehja që ka pas përdorur dikur kryeministri.Oei: E, po. Po tani do kthehet çikë kështu historia.
Gazetarja: Do kthehet ndryshe historia.
Oei: Sepse unë besoj se ky Albanian Files është vetëm maja e ajzbergut. Sepse lidhet… ky libër lidhet vetëm me kështu 50, 60, mbase 100 projekte. Por sa projekte kemi tani? Sa projekte janë miratuar nga KKT-ja? Sa projekte që nuk kanë ndonjë kompani arkitekturore me famë ndërkombëtare? Ka shumë. Nuk i kam numëruar.
Por për shembull, Citizens ka bërë një listë me të gjitha projektet që janë bërë vetëm në Tiranë. Domethënë, qindra, mijëra metra katrorë… ne nuk kemi parë asgjë akoma.Gazetarja: Vincent, për ta përmbyllur, është kjo The Albanian Files, një dosje e mirëfilltë kriminale, jo thjesht korrupsioni?
Oei: Po patjetër, sepse korrupsioni është krim. Patjetër që është kriminale. Nga të gjitha anët. Edhe nga ana morale, domethënë, jo vetëm nga ana ligjore, nga ana morale.