Kryeministri i Mbretërisë së Bashkuar, Sir Keir Starmer ka mbërritur në Shtëpinë e Bardhë për takimin e tij me Presidentin amerikan, Donald Trump.Një roje nderi u vendos në hyrje dhe përgjatë rrugës që çon në dyert e krahut perëndimor të Shtëpisë së Bardhë.
Presidenti amerikan e përshëndeti kryeministrin në derë me një shtrëngim duarsh teksa ata qëndruan për disa foto përballë mediave.Një nga gazetarët bërtiti duke pyetur: “A mund të arrihet një marrëveshje paqeje në Ukrainë?”
“Sigurisht që mundemi”, u përgjigj presidenti amerikan teksa të dy liderët u futën brenda për të filluar takimin nga Zyra Ovale.