Aktorja e famshme turke Meryem Uzerli, e cila u bë një fytyrë e njohur në të gjithë botën pas rolit të Sulltaneshës Hyrrem në serialin fenomen “Sulltan Sylejmani: Shekulli Madhështor”, së fundmi mori pjesë në Festivalin e Filmit në Kanë.
Uzerli, e cila njihet për tërheqjen e vëmendjes me çdo veprim, stil dhe fjalë, ka arritur sërish të jetë në qendër të vëmendjes, shkruan Ensonhaber.
E pranishme në edicionin e vitit 2024 të Festivalit të Filmit në Kanë, Uzerli tregoi një pamje tërheqëse në tapetin e kuq e veshur me një fustan të zbukuruar me gurë të ngjyrosur dhe viza me ari.
Stili dhe shkëlqimi i saj u gjendën në fokusin e fotove dhe komenteve të ndjekësve dhe të medias së pranishme.
Ndërkaq, pas komenteve të fundit për ndërhyrjet estetike, Meryem këtë herë u përball me kritika për zgjedhjen e saj të veshjes, ku disa komentatorë e gjetën tepër e rëndë dhe jo në përputhje me shijen e tyre.
Megjithatë, pavarësisht nga kritikat, askush nuk mund të mohojë prezencën e saj magnetike dhe gjurmët që ka lënë në industrinë e kinematografisë.
Meryem Uzerli, e cila ka një karrierë të gjatë dhe të suksesshme si aktore, vazhdon të jetë një nga emrat më të ndjekur dhe të diskutuar në festivalin e prestigjshëm të kinemasë, duke konfirmuar se shkëlqimi dhe talenti i saj janë të pranishëm jo vetëm në ekran, por edhe në eventet ndërkombëtare të artit dhe modës.