Tech

Çfarë po synon Bill Gates? Miliarderi blen tokë bujqësore në SHBA – bëhet fjalë për 242 mijë hektarë

Bill Gates, njeriu i katërt më i pasur në botë që është i njohur për aftësitë e tij programuese, ka blerë 242 mijë hektarë tokë bujqësore në mbarë SHBA-të – mjaftueshëm të jetë pronari më i madh i një toke private bujqësore në Shtetet e Bashkuara.

Pas raportimeve të shumta që ka blerë tokë bujqësore në vendet si Florida dhe Washingtoni, Land Report ka zbuluar që Gates që sipas revistës Forbes ka pasuri neto që kap vlerën e rreth 121 miliardë dollarëve, ka krijuar një portofol të tokës bujqësore që përfshijnë 18 vende, transmeton Telegrafi.

Pronat e tij më të mëdha janë në Louisiana (69.071 hektarë), Arkansas (47.927 hektarë) dhe Nebraska (20.588 hektarë). Përveç kësaj, ka edhe një pjesë të tokës prej 27.750 hektarë në anën perëndimore të Phoenix, Arizona, e cila po zhvillohet si një periferi e re.

Sipas hulumtimeve të Land Report, toka mirëmbahet drejtpërdrejt edhe përmes subjekteve të pavarura si Cascade Investments, aset personal i investimeve të Gates.

Investimet e tjera nga kjo kompani përfshinë kompaninë e sigurisë ushqimore Ekolab, kompania e shitjes së veturave të përdorura Wrum dhe hekurudhat kombëtare kanadeze.

Edhe pse është për t’u habitur që miliarderi i fushës së teknologjisë mund të jetë gjithashtu pronari më i madh i tokës bujqësore në SHBA, kjo nuk është e vetmja shëtitje e Gates në bujqësi.

Gjatë vitit 2008, Fondacioni Bill dhe Melinda Gates, paralajmëruan një grant prej 306 milionë dollarëve për të promovuar bujqësinë e qëndrueshme, me rendiment të lartë midis fermerëve të vegjël në Afrikën sub-sahariane dhe Azinë Jugore.

Fondacioni ka investuar më tej në zhvillimin dhe përhapjen e “super kulturave” rezistente ndaj ndryshimeve klimatike, dhe lopëve qumështore me rendiment më të lartë.

Vitin e kaluar, organizata njoftoi se Gates Ag One, një organizatë jofitimprurëse që promovon këto përpjekje.

Nuk është plotësisht e qartë se si përdoret toka bujqësore e Gates, apo nëse ndonjë prej tokave po lihet mënjanë për konservim.

Sidoqoftë, ka disa tregues që toka mund të përdoret në një mënyrë që përputhet me vlerat e fondacionit.

Cottonwood Ag Management, një degë e Cascade, anëtare e Leading Harvest, një organizatë jofitimprurëse që promovon standarde të qëndrueshme bujqësore që i japin përparësi mbrojtjes së të korrave, tokës dhe burimeve ujore.

Gates nuk është miliarderi i vetëm në listën e pronarëve më të mëdhenj të tokave private bujqësore në Land Report.

Bashkëthemeluesit e kompanisë Stewart dhe Linda Resnick (vlera e tyre neto kap shumën e 7.1 miliard dollarëve) renditën të tretët me 190 mijë hektarë.

Toka e tyre bujqësore prodhon mallra për markat e tyre, duke përfshirë POM Wonderful, Wonderful Pistachios dhe Wonderful Halos.

Edhe pse ndoshta Gates është pronari më i madh i tokës bujqësore private në Shtetet e Bashkuara, ai në asnjë rast nuk pronari individual më i madh i tokës.

Në top 100-ën e pronarëve më të mëdhenj të tokave në SHBA, Land Report i jap vendin e parë presidentit të Liberty Media, John Malone, që posedon 2.2 milionë hektarë pyje dhe rançe.

Në anën tjetër, themeluesi i CNN, Ted Turner ka zënë vendin e tretë me dy milionë hektarë ranç në tetë shtete.

Madje edhe drejtori ekzekutiv i Amazon, Jeff Bezos ka investuar në tokë me përmasa të mëdha, duke zënë vendin e 25-të me një pronë prej 420 mijë hektarë – kryesisht në pjesën perëndimore të Teksasit. /Telegrafi/

SHIKO EDHE: Si do të duket jeta pas COVID-19?