Sporti

Wilder ia thyen nofullën personit brenda maskotës duke mos logjikuar se ishte një njeri brenda saj

Deontay Wilder është boksieri që të gjithë duan të shikojnë përballë Anthony Joshuas.

Por, që kjo të ndodh amerikani së pari duhet ta mbrojë titullin e WBC-së në pesha të rënda ndaj Tyson Furyt më 1 dhjetor.

Dhe normalisht para këtij meçi Wilder është i ftuar në shumë emisione pasi dy konferencat e para për media kanë përfunduar.

32-vjeçari ishte i ftuar në televizionin spanjoll, Nacion ESPN, për të folur rreth përballjes së tij të ardhshme dhe gjatë një pjese të emisionit i kërkohet të godas maskotën.

Normalisht ishte fjala për një goditje të lehtë, por këtë nuk e logjikoi boksieri amerikan.

Wilder e goditi aq fortë maskotën sa që personit brenda saj ia theu nofullën, por pasi e kuptoi se çfarë ka bërë tha se nuk e ka logjikuar se kishe një njeri brenda kostumit.

Rekordi i boksierit amerikan në 40 përballje është: 40 fitore, 39 me nokaut. /Telegrafi/


SHIKO EDHE: Mësoni si bëhet testi i COVID-19?