Sporti

Suarez vajton pas ndeshjes: Luajtëm sikur fëmijë!

Sulmuesi uruguajan i Barcelonës, Luis Suarez është prekur shumë nga eliminimi i Ligës së Kampionëve.

Liverpool ka rikthyer rezultatin ndaj Barcelonës – pas fitores së sotme 4:0 dhe tani ‘Reds’ do të luajnë në finalen e madhe të Madridit, përcjell GazetaBlic.

Suarez ka kërkuar falje për tifozët e Barçës, pasi sipas tij asgjë nuk ka funksionuar sot tek ekipi i katalunasve.

“Ne duhet të jemi shumë vetëkritikë, është hera e dytë që po na ndodhë e njëjta gjë, nuk mund ta bëjmë të njëjtin gabim dy vjet me radhë”, tha fillimisht Suarez.

“Ata bënë atë që donin të bënin, shënuan në fillim, ata besuan nga minuta e parë deri në të fundit”.

“Në golin e katërt ne dukemi si fëmijë, ne duhet të jemi të vetëdijshëm për të gjitha kritikat që do të marrim tani”.

“Ne jemi shumë të mërzitur, shumë të lënduar, ndiejmë dhimbjen, pasi jemi profesionistë”, përfundoi ai. /GazetaBlic/


SHIKO EDHE: Mësoni si bëhet testi i COVID-19?