ShowBiz

Kur vajza që e plagosi Vali Corleonen kishte kërcënuar këngëtaren e njohur kosovare

Personazhi i njohur kosovar, Princ Valentino Corleone është plagosur me armë zjarri të enjten në mëngjes, tha Policia e Kosovës përmes një njoftimi për media.

Anita Syla, e dashura e Vali Corleone, është arrestuar nën dyshimin për tentim-vrasjen e figurës kontraverse të show-bizit.

Syla e quante vetën si “Vajza e Corleones”, ku ajo në të kaluarën kishte pasur probleme me këngëtaren e njohur kosovare, Morena Taraku.

Kutojmë se Anita Syla, një 22-vjeçare nga Gjilani është arrestuar nga Policia e Kosovës pasi dyshohet se e ka plagosur në orët e para të mëngjesit të njohurin me emrin në publik ‘Princ Valentino Corleone’.

Paparaci mëson se e njëjta e cila ka bashkëjetuar bashkë me ‘Corleonen’ e ka qëlluar atë një herë në këmbën e djathtë apo më saktësisht në gju përmes pistoletës, sot rreth orës 04:00 të mëngjesit.

Por, sipas të njëjtave burimeve, Corleone ka deklaruar se rasti ka ndodhur aksidentalisht dhe pa ndonjë motiv.

Po ashtu, Paparaci mëson se rasti ka ndodhur në shtëpinë e Corleones në lagjen Dardania I të Gjilanit, ku mes tjerash – prezente përveç atij dhe të dashurës së tij – ka qenë edhe një grua nga Beogradi me shtetësi serbe.

Megjithatë, mediumi mëson se pas trajtimit nga emergjenca e Spitalit Regjional të Gjilanit, Vali Corleone është liruar për në shtëpi. Gjendja e tij është stabile dhe jashtë rrezikut për jetë.

Ndërkohë, Syla, e dyshuara për veprën penale ‘vrasje në tentativë’ është dërguar në mbajtje për 48 orë nga prokurori i rastit.