ShowBiz

Ish-modelja e “Playboy” vendos të kandidojë për presidente të Kroacisë

Ish-modelja e “Playboy”, Ava Karabatic ka vendosur të kandidojë për presidente në zgjedhjet që do të zhvillohen në Kroaci në vitin 2020. 31-vjeçarja e ka bërë publike kandidimin e saj përmes llogarisë në “Instagram”.



“E kam vendosur, do të kandidoj për presidente. Politika është dashuria ime e dytë. Nuk mund të shikoj më me gjithë këto gjëra të këqija që po i ndodhin vendit tim. Të rinjtë po ikin dhe numri i lindjeve është ulur”, dëgjohet duke thënë Ava në videon e publikuar.

Në platformën elektorale, Karabatic ka përfshirë rritjen e eksporteve dhe zvogëlimin e importeve, punësimin e të rinjve, hyrjen në zonën Shengen dhe ndalimin e aborteve pas javës së gjashtë të shtatzënisë.

Por, jo vetëm kaq. Ava ka planifikuar gjithashtu të legalizojë marihuanën dhe prostitucionin, për të mbajtur punëtorët e seksit të sigurt dhe për të rritur të ardhurat nga taksat.