Shkencë

Alienët, shkenca pranë zbulimit të madh

Ekzistenca jonë është dëshmi se sigurisht ka jetë në planetë të tjerë, pasi gjasat që Toka të jetë “e vetmja” me jetë në univers është pothuajse zero

Alienët mund të përdorin ‘komunikim kuantik’ për të dërguar mesazhe nëpër hapësirën ndëryjore, sugjeron modeli i fundit matematikor.

Alienët gjithashtu mund të përdorin grimcat kuantike për të komunikuar me ne përmes hapësirës, thonë fizikanët të cilët modeluan se si fotonet me rreze X mund të udhëtonin në distanca të mëdha ndëryjore.

Ata zbuluan se mesazhi i fotonit nuk do të kishte gjasa të haste ndonjë pengesë.

Megjithatë, njerëzit do të kërkonin një kompjuter të fuqishëm kuantik për t’i deshifruar ato.

Një ekip nga Universiteti i Edinburgut bëri llogaritje mbi lëvizjen e rrezeve X nëpër zbrazëtinë e hapësirës për të parë nëse do të hasnin ndonjë pengesë.

Grimcat kuantike, si fotonet e dritës, janë të brishta dhe mund të shpërbëhen lehtësisht nëse hasin ndonjë lloj ndërhyrjeje, si nga një fushë gravitacionale.

Megjithatë, u përcaktua se kuanta mund të mbijetonte duke udhëtuar të paktën qindra mijëra vite dritë – një shtrirje më e madhe e distancës se e gjithë galaktika e Rrugës së Qumështit.

Jeta jashtëtokësore mund të dërgojë mesazhe përmes hapësirës ndëryjore duke përdorur komunikime kuantike, kanë zbuluar fizikanët nga Universiteti i Edinburgut.

Sistemet kuantike të komunikimit janë më të shpejta dhe më të sigurta se rrjetet e rregullta, sepse përdorin fotone në vend të kodit kompjuterik. Mungesa e pengesave në hapësirë ​​do të thotë që është e mundur të transmetohen mesazhe në të paktën qindra mijëra vite dritë.

Asnjë jetë përtej Tokës nuk është gjetur deri tani; dhe po ashtu nuk ka asnjë provë që jeta aliene ka vizituar ndonjëherë planetin tonë.

Megjithatë, kjo nuk do të thotë se universi nuk ka jetë tjetër përveçse në Tokë, sipas NASA-s.

Agjencia hapësinore thotë: “Ndërsa asnjë shenjë e qartë e jetës nuk është zbuluar ndonjëherë, mundësia e biologjisë jashtëtokësore – logjika shkencore që e mbështet atë – është bërë gjithnjë e më e besueshme.”

Ekzistenca jonë është dëshmi se sigurisht ka jetë në planetë të tjerë, pasi gjasat që Toka të jetë “e vetmja” me jetë në univers është pothuajse zero.

Megjithatë, një argument kundër kësaj është se – nëse ka jetë jashtëtokësore, pse nuk kemi gjetur asnjë provë për të?

Gjatë viteve të fundit, shkencëtarët në mbarë botën kanë hetuar duke përdorur komunikimin kuantik këtu në Tokë.

Teknologjia kuantike përdor efektet e fizikës kuantike – natyra e materies në nivelet atomike dhe nënatomike – për përparimet në komunikim.

Sistemet kuantike të komunikimit janë më të shpejta dhe më të sigurta se rrjetet e rregullta, sepse ato përdorin fotone në vend të kodit kompjuterik, i cili mund të hakerohet.

Shpresohet se teknologjia mund të sigurojë një internet ‘të pahakueshëm’ dhe me shpejtësi të lartë në të ardhmen. Sidoqoftë, pengesa më e madhe për zbatimin e sistemeve kuantike është se sa të ndjeshëm janë ato ndaj ‘dekoherencës’. Kjo ndodh kur një grimcë kuantike humbet disa ose të gjitha karakteristikat e saj unike ndërsa ndërvepron me rrethinën e saj.

Pengesat e mundshme përfshijnë fushën gravitacionale të planetëve ose yjeve të mëdhenj, pluhurin kozmik, erërat diellore dhe përmbajtjen e grimcave të tjera në mjedisin ndëryjor.

Në punimin, botuar muajin e kaluar në Physical Review D, fizikanët përshkruajnë llogaritjet e tyre që vërtetojnë se grimcat kuantike mund të transmetohen në distanca të mëdha ndëryjore.