Shëndeti

Shkencëtari amerikan: Karantina shkaktoi më shumë vdekje sesa shpëtoi, ishte virus paniku

“Mbyllja shkaktoi më shumë vdekje sesa shpëtoi”, tha një shkencëtar laureat i Nobelit, pasi ai parashikoi që Mbretëria e Bashkuar do të dilte nga Covid-19 brenda disa javësh.

Anglo-amerikani Michael Levitt, profesor i Universitetit Stanford i cili e parashikoi saktë trajektoren fillestare të pandemisë, i dërgoi mesazhe profesorit Neil Ferguson në mars duke i thënë këshilltarit me ndikim në qeveri se ai e kishte mbivlerësuar numrin e mundshëm të vdekjeve me “10 ose 12 herë”.

“Ideja e profesorit të Kolegjit Imperial, një faktor kryesor në braktisjen e dukshme që qeveria britanike i bëri një politike të ashtuquajtur të imunitetit të tufës, ishte pjesë e një “virusi paniku” të panevojshëm, i cili u përhap në mesin e liderëve politikë globalë”, tha Prof. Levitt.

Prof Levitt, një britaniko-amerikan-izraelit që mori çmimin Nobel për kimi në 2013 tha: “Unë mendoj se karantinat nuk shpëtuan asnjë jetë. Ato do të kenë shpëtuar disa jetë në aksidente rrugore dhe të ngjashme, por dëmi social nga abuzimi në familje, divorci, alkoolizmi qe ekstrem, plus ata që nuk u mjekuan për sëmundje të tjera”.

Levitt beson se me disa rekomandime specifike, të tilla si mbajtja e maskave që nga fillimi i shpërthimit dhe miratimi i rregullave të caktuara të distancës sociale, do të kishte dhënë të njejtin rezultat në aspektin shëndetësor, por me një kosto shumë më të ulët. “Unë gjykoj se virusi i vërtetë ishte Virusi i Panikut”, tha ai./Gazeta Sinjali/