Shëndeti

Kujdes! Zbuloni se çfarë duhet të bëni kur dikujt pranë jush i bie të fikët

Gjendja e të fikëtit, në shumicën e rasteve është një ngjarje e njëhershme, pa ndonjë shkak serioz themelor. Sidoqoftë, disa kushte mund të rrisin rrezikun e të fikëtit. Për shembull, gratë shtatzëna mund përballen me gjendjen e të fikëtit sepse dehidrohen lehtë dhe njerëzit që kanë përjetuar një frikë ose dhimbje të papritur gjithashtu mund të humbin vetëdijen e tyre për një periudhë të shkurtër kohe. Është e vështirë të kuptosh nëse dikujt do i bjerë të fikët, por disa shenja paralajmëruese përfshijnë zhurmën e shpeshtë, marramendje dhe të përziera.

Më poshtë janë të listuar hapat që duhet të ndiqni nëse dikujt pranë jush i bie të fikët.

Hapi 1: Siguroni mirëqenien e personit.

-Shtrijeni personin të rrafshuar në shpinë.

-Sigurohuni që ata marrin frymë.

-Ngrini këmbët mbi nivelin e zemrës për të rivendosur rrjedhjen e gjakut në tru.

-Nëse personi ka veshur një jakë, rrip ose veshje të ngushtë, lirojini.

Hapi 2: Mundohuni të ringjallni personin.

Sigurohuni që ata të kenë mjaft ajër të pastër. Hapni një dritare ose kërkoni nga njerëzit e tjerë të largohen.

Nëse mund të kenë humbur një vakt, jepini lëng frutash, ose diçka të ëmbël për të rritur nivelet e sheqerit në gjak.

Hapi 3: Kthejeni personin në krah.

Nëse ata kanë të vjella ose gjakderdhje nga goja e tyre, kthejeni atë në krah.

Hapi 4: Thirrisni ndihmën e shpejtë

-Zakonisht, dikujt që i bie të fikët, zgjohet brenda 20 sekondave. Ju duhet të telefononi një mjekun nëse:

-Personit i bie të fikët më shumë se një herë në muaj

-Është shtatzënë, ka një gjendje zemre ose ka një sëmundje tjetër të rëndë

-Ka buzë blu ose është blu në fytyrë

-Godit kokën kur i bie të fikët

Bonus: Çfarë nuk duhet të bëni kur dikush bie të fikët

Ju kurrë nuk duhet të përpiqeni të ringjallni një person që i ka rënë të fikët në mënyrën se si e tregojnë nëpër filma. Për shembull, ju nuk duhet të:

-Jepni xhuplakë ose shkundni dikë që i ka rënë të fikët

-Hidhni ujë në fytyrën e tyre

-Bërtisni mbi ta

-Vendosni një jastëk nën kokën e tyre /tvklan.al