Op/Ed

Kënd duhet votuar?

Rexhë Gegaj

Shkruan: Rexhë Gegaj

1) Të dëshmuarit kombëtarisht dhe në shtet-ndërtim?

2) Ish nomenklaturën e sistemit Jugosllav dhe mohuesit e luftës?

3) Mohuesit e shtetit të Kosovës?

1) Kategoria e parë janë ata njerëz që asnjëherë nuk e ndalën veprimtarinë e tyre që nga LDB për arritjen e LIRISË.

U maltretuan, u burgosën ,u vranë por kurrë nuk u ndalën. Të frymëzuar nga simboli i rezistencës, baci i madh Adem Demaçi, ata vazhduan deri në fund.

Më shumë mund, sakrificë dhe gjak, u arrit LIRIA.

Së bashku edhe me aleatët ndërkombëtarë, këta e bën të mundur edhe shpalljen e Pavarësisë dhe formimin e Institucioneve shtetërore.

Kategoria 2) Janë ish nomenklatura e sistemit Jugosllav që ishin të angazhuar në të gjitha poret e sistemit Jugosllav: Në gjyqësi, në Prokurori, Polici, Ushtri, Shërbime sekrete, Administratë, Shëndetësi, Universitet, etj.

Këta, në emër të pushtetit dhe ligjeve jugosllave, maltretuan, burgosën dhe vranë shumë patriotë shqiptarë të kohës.

Këta nuk ishin pjesë e luftës, por pengues seriozë.

Kurse pas luftës,vazhdimisht mohojnë luftën dhe gjakun e derdhur për LIRI.

Sipas tyre, LIRIA na erdhi me laps….

Kategoria 3) Kjo kategori është e mbushur me demagogë, mos mirënjohës, dështakë të të gjitha lëmive të mundshme.

Njerëz që nuk e mohojnë luftën, por mohojnë liderët e luftës.

Nuk e njohin shtetin tonë (edhe të tyre), nuk i njohin simbolet e shtetit dhe janë shumë të dhunshëm karshi institucioneve të sigurisë shtetërore.

Pra, të dashur bashkëqytetarë të Republikës së Kosovës, është në dorën dhe vullnetin e juaj se cila kategori do ta udhëheqin shtetin në katër vitet e ardhshme.


SHIKO EDHE: Si do të duket jeta pas COVID-19?