Lajme

Zbulohet arsyeja pse prokurorët bastisën zyrën e kryeministrit austriak

Prokurorët në Austri kontrolluan këtë mëngjes zyrat e kancelarit Sebastian Kurz, ato të këshilltarëve të tij më të afërt dhe selinë e partisë konservatore në Vjenë, mes dyshimeve se kreu i ekzekutivit ka përdorur fonde qeveritare për të siguruar nja mbulim të favorshëm mediatik.

“Sebastian Kurz dhe nëntë të dyshuar të tjerë, si dhe tre organizata, janë subjekt i një hetimi për vepra të ndryshme korrupsioni në lidhje me këtë çështje”, thuhet në një deklaratë të prokurorisë. sipas agjensisë së lajmeve APA, bastisjet u kryen në kuadrin e pretendimeve se Kurz dhe Partia e tij OVP i kanë dhënë rryshfet pronarit të gazetës Österreich, Wolfgang Fellner që të publikonte sondazhe favorizuese për kancelarin.

Prokurorët dyshojnë se anketimi është paguar me para të ministrisë së financave, e cila drejtohet po ashtu nga OVP. Përfaqesuesit e Fellner thane se hetimi mbështetej “në disa keqkuptime shumë të rënda”. Këto ditët e fundit, konservatorët austriakë kishin spekulluar vazhdimisht për bastisje të mundshme të zyrave të tyre, duke i denoncuar paraprakisht si përpjekje për të dëmtuar partinë dhe kancelari


SHIKO EDHE: Mësoni si bëhet testi i COVID-19?