Lajme

Vrasja e të riut në Pejë, zbulohen detajet e para të ngjarjes

Elvis Mekaj, rreth moshës 26-vjeçare, ka vdekur si pasojë e plagëve të marra nga mjeti mprehtë-thika. Sulmi me thikë ka ardhë pas një përleshjeje, ku të përfshirë ishin edhe dy persona.

Ngjarja ndodhi sot para orës 15:00 në lagjen “Fidanishte” në Pejë, ndërsa për vrasjen e të riut janë prangosur dy persona.

Lajmin për arrestimin e dy të dyshuarve e ka konfirmuar zëdhënësi i Prokurorisë Themelore të Pejës, Shkodran Nikçi.

“Si pasojë e një përleshje në Pejë, një person ka humbur jetën nga lëndimet e marra, dy persona janë arrestuar, njëri i dyshuar për veprën pënale vrasja: e tjetri për veprën penale “lëndim trupor”. Në këtë rast ka pësuar lëndime trupore edhe i dyshuari për veprën penale “vrasja””, tha Nikçi.

Ai tha se pas intervistimit, të dyshuarit do të ndalohen për 48-orë, me urdhër të prokurorit të shtetit.

Nuk dihen motivet që çuan deri te vrasja.


SHIKO EDHE: 10 teknologjitë e lashta për të cilat shkenca ende nuk ka përgjigje