Lajme

Vetëvendosje kritikon Edi Ramën pas vizitës së tij në Kosovë

Lëvizja Vetëvendosje ka kritikuar kryeministrin e Shqipërisë, Edi Ramën që gjatë vizitës në Kosovë nuk foli për pandeminë, raporton Gazeta Express.

Nënkryetarja e Lëvizjes Vetëvendosje, Fatmire Kollcaku ka shkruar në Facebook se mbetet e paqartë nëse kryeministri Rama ka ofruar ndonjë ndihmë për parandalim dhe luftim të koronavirusit gjatë vizitës dy ditore.

Ajo ka thënë se situata në vend është e rënduar e se cdo ndihmë do të ishte e mirëseardhur.

“A ofroi Kryeministri Rama ndonjë ndihmë për parandalim dhe luftim të COVID-19 gjatë vizitës dy ditore, mbeti e panjohur për publikun. Situata është e rënduar dhe çdo ndihmë do të ishte e mirëseardhur”, ka thënë nënkryetarja e LVV’së.


SHIKO EDHE: 7 SIMPTOMAT QË JU TREGOJNË NËSE KENI COVID-19