Lajme

Veseli: Rezultatet preliminare të zgjedhjeve në Maqedoninë e Veriut tregojnë sukses historik të shqiptarëve

Kryetari i PDK-së, Kadri Veseli, tha se rezultatet nga zgjedhjet në Maqedoninë e Veriut treguan sukses për shqiptarët.

Ai ka uruar BDI-në duke shtuar se beson në bashkim të fortë të spektrit politik shqiptar.

Postimi i plotë:

Rezultatet preliminare të zgjedhjeve në Maqedoninë e Veriut tregojnë për një sukses historik të shqiptarëve.

Është tregues i qartë se angazhimi politik dhe dalja masive në zgjedhje sjell rezultatin e merituar.

Uroj Ali Ahmetin dhe BDI-në për suksesin e treguar në zgjedhjet e fundit në Maqedoninë e Veriut. Besoj në një bashkim të fortë të spektrit politik shqiptar, për ta fuqizuar më tutje pozitën e shqiptarëve në shtetin e tyre.

Është lajm i mirëpritur që shqiptarët e Maqedonisë së Veriut po vazhdojnë më tutje të luajnë rol vendimtar në rrugëtimin drejt integrimit brenda vlerave euro- atlantike.