Lajme

Vdes 29-vjeçarja shtatzënë që ishte e prekur me COVID-19

Një grua 29-vjeçare ka vdekur në mjekimin intensiv qendror në Qendren Klinike dhe Universitare të Kosovës.

Në njoftimin nga QKUK thuhet se viktima ishte nga komuna e Prizrenit.

Sipas njoftimit gruaja ishte e infektuar me COVID-19.

“Ajo ishte e diagnostikuar me Covid-19, dhe fillimisht ishte pranuar në Klinikën Infektive, por për shkak të komplikimeve, ishte transferuar në njësinë intensive Covid”.

Njoftmi i plotë:

Qendra Klinike Universitare e Kosovës, njofton se sot, në Mjekimin Intensiv Qendror Covid, ka ndërruar jetë një grua shtatëzënë nga komuna e Prizrenit, e lindur në vitin 1991.

Ajo ishte e diagnostikuar me Covid-19, dhe fillimisht ishte pranuar në Klinikën Infektive, por për shkak të komplikimeve, ishte transferuar në njësinë intensive Covid.

Në ritestimin e datës 17 nëntor, ajo kishte rezultuar negativ, por vazhdonte të kishte gjendje të rënduar shëndetësore.

Përkundër përpjekjeve maksimale nga stafi shëndetësorë, ajo pas disa ditësh mjekimi nuk arriti të mbijetonte.


SHIKO EDHE: Si do të duket jeta pas COVID-19?