Lajme

Uran Ismaili viziton Kadri Veselin në Hagë me rastin e Epopesë së UÇK-së

Zyrtari i Partisë Demokratike të Kosovës, Uran Ismaili ka bërë të ditur se po qëndron për vizitë tek ish-kryetari i PDK-së, Kadri Veseli në Hagë, shkruan Gazeta Express.

Përmes një postimi në “Facebook”, Ismaili ka thënë se datat 5, 6 dhe 7 mars që shënon edhe Epopenë e UÇK-së është dhembje dhe krenari e pafundme.

Sipas tij kjo Epope ka mobilizuar mijëra të rinj e të reja që t’i bashkohen UÇK-së.

“Pushkët që filluan aty, nuk u ndalën më në gjithë Kosovën, deri në çlirimin e saj. Kjo epope do t’i mobilizonte mijëra të rinj e të reja që t’i bashkoheshin UÇK-së, për ta ndalur gjenocidin serb dhe për t’i dhënë mundësi jetës e lirisë. Edhe sot, kur ndodhem në Hagë, për vizitë te ish Kryetari Kadri Veseli, një ndër bashkëluftëtarët e Adem Jasharit dhe një ndër themeluesit e UÇK-së, dhembja dhe krenaria janë të përbashkëta për ata që vazhduan në rrugën e lirisë, dhe me heroizmin e tyre e të popullit tonë Kosova është e lirë”, ka shkruar ai.

Postimi i plotë:

Epopeja e 5, 6, 7 marsit është dhembja dhe krenaria jonë e pafundme, kur Adem dhe Hamzë Jashari, me familjet e tyre, sulmeve barbare të Serbisë iu përgjigjen me armë dhe këngë, dhe një nga një dhanë jetën e tyre – për të mos u harruar kurrë.

Pushkët që filluan aty, nuk u ndalën më në gjithë Kosovën, deri në çlirimin e saj. Kjo epope do t’i mobilizonte mijëra të rinj e të reja që t’i bashkoheshin UÇK-së, për ta ndalur gjenocidin serb dhe për t’i dhënë mundësi jetës e lirisë.

Edhe sot, kur ndodhem në Hagë, për vizitë te ish Kryetari Kadri Veseli, një ndër bashkëluftëtarët e Adem Jasharit dhe një ndër themeluesit e UÇK-së, dhembja dhe krenaria janë të përbashkëta për ata që vazhduan në rrugën e lirisë, dhe me heroizmin e tyre e të popullit tonë Kosova është e lirë.

Nderim i përjetshëm për heronjtë tanë dhe për të gjithë të rënët e lirisë!


SHIKO EDHE: 10 teknologjitë e lashta për të cilat shkenca ende nuk ka përgjigje