E martë, 26 Maj, 2020
Lajme

Thaçi konfirmon largimin nga politika: Me padurim e pres shkurtin t’iu them mirupafshim

Presidenti i vendit, Hashim Thaçi ka bërë të ditur se do të largohet nga skena politike në vend.



Ai një një intervistë në Rubikon ka thënë se është “ngopur” me pushtet. Sipas Thaçit, nëse dikush ka pasur pushtet në 20 vitet e fundit, atëherë është ai, shkruan Reporteri.

”Nëse dikush është i ngopur me kompetenca në këto 20 vjet, jam unë i ngopur në Kosovë”.

”Dhe i njoh kompetencat edhe të ekzekutivit edhe të Presidencës, dhe e bëjë shumë qartë atë dallim të kompetencave”, është shprehur Thaçi.

Ndër të tjera Thaçi tha se po e pret me padurim shkurtin, kur edhe do ti përfundojë mandati.



“Unë jam munduar të jem i sinqertë, korrekt dhe i drejtpërdrejtë me qytetarët. Nuk e di cilit lider do ti ndodhë ajo që mua më ka ndodhur që pas dy vitesh qeverisje të vlerësohem më tepër se kur kam nisur qeverisjen, pra më 2014. Tash e 6 vjet unë nuk jam më kryeministër. Secili ka të arriturat e veta dhe unë i vlerësoj. Kosova ka një traditë demokratike, të funksionimit të institucioneve. Uroj që secili të ketë suksese në prioritetet që ka”, u shpreh Thaçi. /Reporteri.net

LEXO EDHE:
Dasmë në Pejë, me tupana e valle shpërfillen masat e qeverisë kundër koronavirusit