Lajme

Tahiri: Qeveria po e pranon dështimin me investimet kapitale

Xhafer Tahiri, ish-kryetari i Komunës së Vushtrrisë nga radhës e Lidhjes Demokratike të Kosovës (LDK), ka thënë të dielën se “Qeveria e pranon publikisht dështimin me investime kapitale”.

Përmes një postimi në Facebook, ai ka thënë se “Raporti i Thesarit të shtetit i kundërshton tabelat exel të Ministrit Murati”.

“Ministri po e pranon që nuk ka investime kapitale, e pa investime nuk ka zhvillimi ekonomik”, ka thënë Tahiri.

Sipas tij “Jo vetëm opozita, e gjithë Kosova po e sheh paaftësinë e Qeverisë e cila ka realizuar ZERO projekte kapitale për 6 muajt e parë të vitit 2022”.

“Ministri Murati në gjithë statusin e tij, ku përmes gjuhës dëshpruese mundohet ta arsyetojë qeverisjen e zero-ve, për ta bërë dëshprimin akoma më të dukshëm, paska thënë vetëm një fjali në mënyrë dëshirore për investime kapitale “Po, edhe investimet kapitale do të bëhen”. Kur do të bëhen ministër pasi që norma e inflacionit ka thyer çdo rekord, kriza ka prekur secilin qytetarë në secilën pore te jetës. Jeni ministër, madje ministër i zerove. Ushtroje funksionon tend”, ka thënë ndër tjerash Tahiri.

Postimi i tij i plotë:

Qeveria e pranon publikisht dështimin me investime kapitale

Raporti i Thesarit të shtetit i kundërshton tabelat exel të Ministrit Murati.

Ministri po e pranon që nuk ka investime kapitale, e pa investime nuk ka zhvillimi ekonomik

Jo vetëm opozita, e gjithë Kosova po e sheh paaftësinë e Qeverisë e cila ka realizuar ZERO projekte kapitale për 6 muajt e parë të vitit 2022.

Ministri Murati në gjithë statusin e tij, ku përmes gjuhës dëshpruese mundohet ta arsyetojë qeverisjen e zero-ve, për ta bërë dëshprimin akoma më të dukshëm, paska thënë vetëm një fjali në mënyrë dëshirore për investime kapitale “Po, edhe investimet kapitale do të bëhen”. Kur do të bëhen ministër pasi që norma e inflacionit ka thyer çdo rekord, kriza ka prekur secilin qytetarë në secilën pore te jetës. Jeni ministër, madje ministër i zerove. Ushtroje funksionon tënd.

4 Ministri të kësaj Qeverie kanë realizuar 0% buxhet për investime kapitale e ky është fakt që as Ministri Murati nuk po e mohon; jo se nuk don, por nuk mundet!

– Nga 53 milion Euro për armatim e pajisje për ushtri, kjo Qeveri i ka shpenzur vetëm pak mbi 2 milion, edhe ky është fakt;

– Nga 5 milion euro për Çerdhe, 0 euro janë shpenzuar, asnjë qerdhe nuk është filluar të ndërtohet këtë vit, e lëre më të përfundohet;

– 150 projekte kapitale nuk kanë filluar fare në Ministri të infrastrukturës;

– Mbi 40 projekte nuk kanë filluar fare në Ministri të Arsimit;

– Mbi 100 projekte nuk kanë filluar fare në Ministri të Kulturës.

Shiheni Aneksi 3, Buxheti dhe pagesat sipas organizatave buxhetore nga niveli qendror, ku janë të dhënat për të gjitha kategoritë e shpenzimeve dhe pagesave qeveritare që e mohojnë deklarmin e Ministrit Murati.

Prandaj kjo është Qeveri e ZERO projekteve, sepse gjithçka që shumëzohet me ZERO, mbetet vetëm ZERO.