Lajme

Rekord infektimes mbi 14 mijë raste të reja, varianti Delta po bën kërdi

23 October 2020, North Rhine-Westphalia, Cologne: A man gets a nasal swab at the corona test station at the main train station in Cologne. Photo: Marius Becker/dpa (Photo by Marius Becker/picture alliance via Getty Images)

Gjermania shënoi një tjetër rekord ditor prej mbi 14 800 infektimesh, që përbën shifrën më të lartë të 4 muajve të fundit. Bëhet fjalë për një tregues që kujton se vala e Deltës ende nuk ka përfunduar nëpër Europë dhe që në Gjermani mund të jetë në mesin e saj.

Por falë vaksinimit që ka prekur mbi 60% të popullsisë, nuk ka rritje të vdekshmërisë.

Megjithatë autoritetet shprehin shqetësimin për një numër të lartë të shtruarish në spitale.

Gjermania i shtohet së fundi, listës së vendeve me nivel të përparuar vaksinimi, ku vala e infektimeve vijon të rritet, së bashku me Shtetet e Bashkuara, Britaninë e Madhe apo Izraelin. Edhe në këto vende po rritet presioni në spitale, veçanërisht në Shtetet e Bashkuara, ku terapia intensive është pranë ezaurimit të kapaciteteve ashtu si në valën e periudhës Dhjetor- Janar.

Në vende të tjera, si Franca, Italia dhe Rusia, infektimet janë në rënie. Dallim bën Rusia ku për shkak të nivelit jo shumë të lartë të vaksinimit, ka vdekje ditore pranë rekordeve me mbi 780 raste.


SHIKO EDHE: Mësoni si bëhet testi i COVID-19?