Pas raportimeve se raketat ruse kanë goditur një lokacion brenda Polonisë, duke shktuar vdekjen e dy njerëzve, ka reaguar Sekretari i Përgjithshëm i NATO-s, Jens Stoltenberg. Stoltenberg ka thënë se ka diskutuar me Presidentin e Polonisë, Andrzej Sebastian Duda lidhur me shpërthimet në një fshat kufitar me Poloninë.
Sekretari i NATO-së ka thënë se po monitorohet situata. Ai ka thënë se duhet të vërtetohen të gjitha faktet. “Fola me presidentin e Polonisë, Duda, për shpërthimin në Poloni. I shpreha ngushëllimet e mia për humbjet e jetës. NATO po e monitoron situatën dhe aleatët po konsultohen nga afër. Është e rëndësishme që të gjitha faktet të vërtetohen”, ka shkruar Stoltenberg.
Postimi i tij në Twitter:
Spoke with President Duda @prezydentpl about the explosion in #Poland. I offered my condolences for the loss of life. #NATO is monitoring the situation and Allies are closely consulting. Important that all facts are established.
— Jens Stoltenberg (@jensstoltenberg) November 15, 2022