Lajme

Pritjes i erdhi fundi/ Ambasadori gjerman jep lajmin e madh: Ja kur liberalizohen vizat për Kosovën

Ambasadori gjerman në Kosovë, Jorn Rohde, është përgjigjur në lidhje me mundësinë e liberalizimit të vizave për Kosovën në fillim të vitit të ardhshëm.

Rohde u tregua i prerë kur u pyet se a do të hiqen vizat në muajin shkurt ose mars duke thënë se “përgjigja më e shkurtë nga pikëpamja e tanishme është po”.

“Përgjigja pak më e gjatë është që të hënën kam qenë me kryeministrin në Prizren ku në kuadër të një projekti nxënës nga vendet të ndryshme kanë marrë pjesë. Dhe kam thënë edhe aty që liberalizimi i vizave është një anakronizëm. Dhe ajo që është e rëndësishme është edhe deklarata ministrave të Gjermanisë, Polonisë dhe Francës të cilët kanë deklaruar se duhet të ketë liberalizim të vizave për Kosovën”, është shprehur Rohde në RTK, transmeton Klankosova.tv.

Tutje, ai përmendi edhe një intervistë të dhënë për Klan Kosovën, duke thënë se në një intervistë rishtazi është shprehur se ai do të jetë ambasadori i fundit gjerman i cili përgjigjet rreth çështjes së liberalizimit të vizave.