Lajme

Policia e Kosovës konfirmon vrasjen në Prishtinë, arrestohet dorasi

Policia e Kosovës ka konfirmuar lajmin që publikoi pak më herët IndeksOnline se një vrasje ka ndodhur në Prishtinë.

“Rreth orës 17:00 policia ka marrë informatën për një vrasje te ndodhur në rrugën ” Ndue Perlleshi” ne Prishtinë”, ka bërë të ditur për IndeksOnline, zëdhënësja e Policisë së Kosovës për rajonin e Prishtinës, Flora Ahmeti.

Ajo ka thënë se menjëherë pas marrjes së informatës policia ka dalë në vendin e ngjarjes dhe po ndërmerr të gjitha veprimet e nevojshme që konsistojnë në hetimin e rrethanave që karakterizojnë ngjarjen.

“Një person është arrestuar, si dhe është konfiskuar një armë që dyshohet të jetë e përdorur në rast”, ka thënë Ahmeti.

SHIKO EDHE: Si do të duket jeta pas COVID-19?