Kryetari i Grupit Parlamentar të Lidhjes Demokratike të Kosovës, Arben Gashi ka njoftuar sot se ka rezultuar pozitiv në testin për Koronavirus.
Përveç Gashit, lajmin se është prekur nga virusi Korona e ka konfirmuar edhe sekretari i Kuvendit, Ismet Krasniqi.
“Pas kryerjes së testit ka rezultuar të jem prekur me Covid-19. Menjëherë e kam njoftuar Kuvendin dhe aktualisht jam në izolim në shtëpi”, ka thënë Krasniqi për aktivpress.Ai ka pohuar se rasti i tij nuk është i izoluar pasi është edhe një zyrtar tjetër i lartë i administratës që po ashtu është konfirmuar me Covid-19.
“Identiteti i zyrtarit të infektuar është i njohur për administratën e Kuvendit. Edhe ai është në izolim”, ka thënë Krasniqi.
Ndryshe, pak më parë Kuvendi njoftoi se ka anuluar mbledhjen e Kryesisë, e cila ishte paraparë për nesër./Objektiv/