Lajme

PDK këshillon Vetëvendosjen: LDK’ja do t’ju kushtëzojë në vitin 2021

Përfaqësuesi i Partisë Demokratike të Kosovës në Komisionin Qendror të Zgjedhjeve, Ilir Gashi, ka thënë sot se nëse Vetëvendosje pajtohet me Lidhjen Demokratike për pozitën e Presidentit të Kosovës, atëherë pas dy vitesh do t’i dalë problem me emrin e propozuar nga LDK.



Sipas Gashit, në vitin 2021 – kur do t’i përfundojë mandati presidentit aktual Hashim Thaçi – LDK do ta kushtëzojë emrin e saj për president, me vazhdimin e qeverisë Kurti.

“LDK, lëshon pe! Nuk guxon të paracaktohet për emrin e Presidentit! Presidentin pa emër deri në vitin 2021! Tani, topi tek VV! A do të lëshoj pe? Por, duhet të dijë se me 2021, emri kushtëzohet me vazhdim të qeverisë Kurti”, ka thënë Gashi i PDK-së.

“Sa ujë kalon nën urë deri me 2021”, ka përfunduar ai./GE