Lajme

Pas vdekjes së 26 vjeçarit, reagon i riu nga karantina: Jemi si n’burg, distanca hiç ma shumë se 50 cm

Pas rastit tragjik të ndodhur sot në Qendrën Studentore apo në konviktet të cilat po shërbejnë si karantinim, ku një 26 vjeçar vdiq sot meqë kërceu nga kati i pestë i konviktit e më pas u dërgua na QKUK, ku edhe nuk arriti t’i bëjë ballë plagëve të mrra, ka reaguar një i ri tjetër i cili është poashtu është i izoluar në këtë vend, transmeton Gazeta Metro.

Përmes një postimi në Facebook, SH.B., i izoluar në Qendrën e Studentëve që 14 ditë, është shprehur i indinjuar me vendimin e Ministrisë së Shëndetësisë për të qëndruar të izoluar.

Ai tregon se nga 105 persona që kanë ardhur nga Zvicra para dy javëve, sot është dita e 14’të, ndërsa janë më pak se 20 persona të karantinuar.

SH.B., tutje shton se personat që kanë dalë nga karantina, kanë pasur njoftësi, për të cilët shton se distanca ndërmjet tyre ka qenë hiç më shumë se 50 cm.

Ky është postimi i plotë:

Sot 14 ditë n’KARANTIN!

Është me t’vertet e t’merrshme kjo që ndodhi sot në qendrën e studentave që u vetëvra një i ri i moshës 26 vjeqare, është edhe më e t’merrshme kjo “rregullore apo ligj” që meu mbajt na t’mbyllun nga 16 ditë, ama qershia mbi tortë është se në konvikt prej datës 20.04.2020 sa kam ardh un në bazë të njoftimeve në media u dasht meu kan me shifra afërsisht mbi 300 persona apo t’burgosun ma mir me than se qashtu jemi, e sot jemi më pak se 150 persona.

105 persona kemi ardh prej zvicrres, sot jemi ma pak se 20 persona, e di qysh kan dal, e di qysh kan shkru email, e di qysh kan fol me mjekun edhe kan arrit me dal jasht.

Ja vlen me përmend se kta persona t’cilët kan dal me t’njofshëm apo me ndihmë të mjekut, kanë dal pas orës 21:00 n’mbramje, qysh në ditën e dytë dhe të tretë të karantinës.

Distanca apo kujdesi për vehtën 100% kish pas meu kan n’shpi n’familje t’tonat se sa ktu, ktu u leju me lu letra, u leju me lu shah, kan nejt mbi 10 persona me nji dhom.

Distanca ndërmjet njani tjetrit u kan hiq ma shum se 50 cm.

Jemi si n’burg, krejt shka kemi drejt me porosit prej jasht me na pru janë vetëm cigare, kafe edhe barna.

Neve nuk na lejohet me porosit, ushqim ose naj sen tjeter, po më e keqja që është nuk na lejohet as uj me ble, detyrohemi që krejt ditën me kalu me nji shishe të vogël.

Nuk e di ku është qëllimi i këtyre masave të tmerrshme, nuk kam arrit me kuptu deri tash!

“Të lumt Ministër””. /gazetametro.net