E hënë, 25 Maj, 2020
Lajme

“Nuk e kuptoj Kurtin, dikur u dilte në pritë kamionëve nga Serbia, tash e shpërblen Beogradin”

Kryeministri në largim i Kosovës, Ramush Haradinaj, thotë se nuk mund ta imagjinojë Albin Kurtin duke e hequr taksën ndaj Serbisë.



Ai ka thënë se Kurti dikur i kishte shkaktuar miliona euro humbje Serbisë, duke i kthyer kamionët në kufi.

Haradinaj tha gjatë një interviste për Fax News tha se pas vendosjes së taksës 100% ndaj Serbisë, ekonomia e vendit ka njohur rritje, është shtuar prodhimi vendas dhe është rritur investimi nga ana e kompanive shqiptare.

“Nuk mendoj se vendimi për të hequr taksën është një vendim i drejtë, mendoj se nuk është një vendim i drejtë i Kurtit dhe Osmanit për ta hequr, atë barrë e kam marrë unë përsipër. Do të ishte një vendim tragjik për Kosovën, nuk mund të arrij ta kuptoj se pse Kurti dikur në rininë e tij dhe mbështetës i kanë bërë pritë kamioneve të mallrave serbe duke shkaktuar humbje prej qindra mijëra eurosh, tashmë heq taksën dhe shpërblen ekonominë e Beogradit”.

“Nuk mundem ta besoj që do ta bëjë diçka të tillë. Ka lobime nga ana e Serbisë se taksa nuk ka pasur efekt në Kosovë, por ka qindra dokumente që provojnë se ekonomia e Serbisë vijon të ketë rënie, bëhet fjalë për 1 milionë euro. Është hera e parë në historinë e Kosovës që ne hyjmë në prodhimin tonë, pasi gjithmonë kemi importuar nga Serbia. Kosova sot merr pjesë vetë në ekonominë e vet. Është rritur gjithashtu importi nga Shqipëria, shtuar kësaj operatorët shqiptarë kanë shtuar investimet në Kosovë”, tha Haradinaj.



LEXO EDHE:
Haradinaj: Shqiptarët nuk e harrojnë kontributin e popullit amerikan për lirinë e Kosovës