Prokurorja nga Prokuroria Themelore në Prishtinë, Rukije Shasivari, ka konfirmuar se edhe një person është në gjendje të rëndë pas aksidentit ku vdiqën dy persona dhe u lënduan tetë të tjerë në Lupç të Poshtëm.
Shasivari ka treguar më shumë detaje rreth këtij aksidenti tragjik, derisa ka njoftuar se personat e lënduar janë dërguar për trajtim në QKUK.
“Sot rreth orës 09:35 kam pranuar informatën se në magjistralen Prishtinë-Podujevë ka ndodhur një aksident me fatalitet, ku fillimisht në vendin e ngjarjes janë dy viktima, ndërsa personi tjetër është në gjendje të rëndë. Kemi edhe persona të tjerë të lënduar të cilët janë dërguar në QKUK”, ka thënë ajo.