Lajme

Nga dita e nesërme qytetarët do të mund të vaksinohen edhe në këtë market të madh në Prishtinë

Ministria e Shëndetësisë ka bërë të ditur se nga dita e nesërme qytetarët do të mund të vaksinohen kundër COVID-19 edhe në qendrën tregtare “Albi Mall” në Prishtinë, raporton Gazeta Express.

Sipas MSH’së, qytetarët do të mund të vaksinohen në këtë qendër nga ora 12:00 deri në orën 20:00.

Nga kjo ministri kanë thënë se së shpejti procesi i vaksinimit do të filloj edhe në qendrat tregtare në komunat tjera.

“Vaksinimi kundër COVID-19 me ekipe mobile. Mbaje larg virusin-Vaksinohu”, është bërë e ditur nga MSH.