Lajme

New York Times: SHBA dëbon 12 diplomatë rusë, kanë urdhër të largohen deri më 7 mars

SHBA ka urdhëruar 12 diplomatë rusë në Kombet e Bashkuara të largohen deri më 7 mars, raportoi Reuters.

Në një konferencë shtypi të mbajtur nga Vasily Nebenzya, ambasadori i Rusisë në OKB, Nebenzya mori një telefonatë dhe konfirmoi pak më vonë se 12 diplomatë ishin shpallur “persona non grata” nga autoritetet amerikane dhe ishin udhëzuar të largoheshin deri më 7 mars, sipas New York Times.

Nebenzya e quajti dëbimin e diplomatëve rusë një “shkelje të rëndë” të pozicionit të SHBA-së si vend pritës i OKB-së.

“Ka shumë vende që e kuptojnë se cili është pozicioni rus dhe çfarë po bën dhe pse,” tha Nebenzya.


SHIKO EDHE: 10 teknologjitë e lashta për të cilat shkenca ende nuk ka përgjigje