Lajme

Në Greqi bie breshër i madh, thyhen xhamat e veturave

Breshër me madhësi sa një top ping-pongu ka rënë pasditen e kësaj të shtune në Kastoria të Greqisë, duke shkaktuar dëme të mëdha materiale në makina dhe panele diellore.

Sikurse shihet në foto dhe videot e siguruara nga mediat fqinje, ato shkruajnë se kokrra e breshërit kishte madhësinë e një topi ping-pongu, raporton tch.

Sipas buletinit të urgjencës së fenomeneve të rrezikshme të motit të lëshuar nga EMY, një ndryshim i përkohshëm i motit është parashikuar nga pasditja e 15 gushtit edhe në veri të Greqisë, me shira të fortë dhe stuhi të shoqëruara nga erëra të forta dhe breshër.

Këto fenomene intensive do të prekin Maqedoninë, kryesisht Qendrore dhe Lindore, nga pasditja e sotme deri në orët e para të mëngjesit të së dielës./Insajderi.org


SHIKO EDHE: Mësoni si bëhet testi i COVID-19?