Drejtori i marketingut në Radio Televizionin e Kosovës (RTK), Arian Sahiti, është shkarkuar nga pozita e tij menaxhuese në këtë medium.
Deri të shkarkimi i tij ka ardhur pasi që Sahiti ka pasur performancë të ulët dhe mungesë të strategjisë.
Lajmin për shkarkimin e tij e ka konfirmuar për Indeksonline edhe ushtruesi i detyrës së drejtorit gjeneral në RTK, Shkumbin Ahmetxhekaj.
Sipas Ahmetxhekajt, Sahiti ishte në dijeni për pakënaqësitë e shfaqura kundrejt punës së tij.
Vendin e Arian Sahitit do ta zë Ariana Pallata.
Ky shkarkim vije në vazhdën e reformave që janë duke u bërë në RTK.
Gjatë ditës së djeshme, rreth 150 punëtorë në RTK u njoftuan se kontratat e tyre të punës nuk do të vazhdohen pas 31 marsit.