“Ndërtesa u shemb mbi ne, Zoti na shpëtoi”, babai përshkruan momentin kur ai dhe familja e tij shpëtuan

Një burrë ka përshkruar momentin kur nxori gruan dhe fëmijët e tij nga shtëpia e tyre në Siri, teksa ajo u shemb rreth tyre, raporton Sky News. Osama Abdelhamid beson se ai është një nga pak njerëz nga ndërtesa katërkatëshe që mbijetoi.

Tërmeti e zgjoi atë dhe gruan e tij, të cilët kapën katër fëmijët e tyre dhe vrapuan drejt daljes. “Kur arritëm në hyrje të ndërtesës ajo u shemb totalisht mbi ne. “Zoti na shpëtoi dhe na ra një derë prej druri, e cila na shpëtoi”. Duke pritur në një spital, ai tha se tre nga fëmijët e tij pësuan plagë në kokë dhe në fytyrë.

“Falë Zotit erdhëm këtu dhe morëm ndihmën e parë. “Asnjë nga njerëzit në tre katet e tjera nuk ka mbijetuar.” Me lot në sy shtoi: “Kam rilindur, falë Zotit”. Në krye të mbi 1300 të vrarëve, më shumë se 5300 njerëz janë plagosur vetëm në Turqi pas tërmetit 7.8 ballë.

Përtej kufirit në Siri, numri i të plagosurve është i paqartë, por pacientët po mbushin korridoret e spitalit. Dr Majdi Ibrahim, kirurg në spital, tha: “Sot pas tërmetit filluam të marrim shumë raste, qindra viktima. “Deri tani numri është rreth 100. “Ne e dimë dhe kemi informacione se qindra pacientë janë ende nën rrënoja. Situata është shumë e keqe, ne kemi nevojë për ndihmë urgjente.”