Lajme

Ndërpritet qarkullimi i autobusëve urban në Prishtinë, shkak sulmet e fëmijëve për “Halloween”

Së paku një autobus i Trafikut Urban është dëmtuar pasi fëmijë të papërgjegjshëm, në festën për Halloween kanë gjuajtur në drejtim të tij.

Lajmin për këtë, bashkë me kërkesën që një gjë e tillë të ndalet, e ka bërë kreu i Prishtinës, Shpend Ahmeti.

Si shkak i kësaj, “Trafiku Urban në Prishtinë” ka informuar se është ndërprerë qarkullimi i autobusëve momentalisht.

Këtë e kanë bërë të ditur përmes faqes zyrtare në Facebook:

Informim për ndërprerje të qarkullimit të autobusëve të NPK “Trafikut Urban” Prishtinë

Me keqardhje i informojmë qytetarët se për shkak të sulmeve dhe sjelljeve vandale nga disa grupe te rinjsh, u detyruam të ndërprehet qarkullimi në ora 21:15, në mënyrë që të evitohet dëmtimi i autobusëve të ndërmarrjes!