Lajme

Moti për dy ditët e ardhshme

Instituti Hidrometerologjik i Kosovës njoftoi sot se në dy ditët e ardhshme do të mbaj mot me diell dhe vranësira të dendura që do të krijojnë kushte për reshje e shkarkime rrufesh.

Sipas IHK-së, temperaturat maksimale do të arrijnë deri në 32 gradë Celsius.

“Fushat me presion të ulët që janë prezent mbi gadishullin e Ballkanit do të vijojnë të mbesin edhe ditëve në vazhdim, duke kushtëzuar mot me diell dhe vranësira të dendura të cilat do të krijojnë kushte për reshje shiu dhe shkarkime rrufesh. Në fushat termike nuk do të ketë ndryshime të mëdha. Temperaturat minimale do të lëvizin ndërmjet 16-17 gradë Celsius, ndërsa maksimalet e ditës parashihen të lëvizin ndërmjet 28-32 gradë Celsius. Do të fryjë erë kryesisht nga veriperëndimi me shpejtësi 1-11 m/s”, thuhet në njoftim./Objektiv/


SHIKO EDHE: 10 teknologjitë e lashta për të cilat shkenca ende nuk ka përgjigje