Lajme

Mot i nxehtë në dy ditët e ardhshme në Kosovë, temperaturat deri në 31 gradë

Në dy ditët e ardhshme në Kosovë pritet të mbajë mot i ndryshueshëm, me diell dhe vranësira, të cilat vende-vende mund të sjellin reshje të izoluara shiu.

Instituti Hidrometeorologjik bën të ditur se temperaturat minimale do të lëvizin ndërmjet 12 e 15 gradë celsius, ndërsa maksimalet e ditës parashihen të lëvizin ndërmjet 26-31 gradë celsius

“Në vise të larta parashihet të kemi inverzion në fushat termike gjë që temperaturat minimale atje parashihen të jenë më të larta se në viset e ulëta dhe mesatare, ndërsa temperaturat maksimale vazhdojnë të jenë më të ulëta si zakonisht. Do të fryjë erë nga drejtimi i verilindjes dhe jugperëndimit me shpejtësi 1-7m/s”, thuhet në njoftimin për media.

Po ashtu, thuhet se indeksi UV do të jetë në vlerat e larta prandaj këshillohet që nga ora 10-17 të mos jemi në kontakt direkt me rrezet e diellit.

“Reshje më të theksuar priten kah fundi i javës dhe fillimi i saj”, thuhet më tej në njoftim.


SHIKO EDHE: Mësoni si bëhet testi i COVID-19?