Lajme

Lutfi Haziri e thumbon keq Vetëvendosjen nga Podujeva: Çajin te Sabiti faljani, por jo votën se nuk e meritojnë

Ditë më parë kandidatët e Vetëvendosjes, Fitore Pacolli dhe Driton Tali në fushatën e tyre për të mbledhur vota vizituan qytetin e Podujevës.

Ata u ndalën në një çajtore e njohur si e “çajtorja e Sabitit”, ku thane se për Llapin po vjen dita.

“Çaji i Podujevës dhe kafja e Sabitit… edhe për Llapin po vjen dita. Edhe çaji i Podujevës nuk po ia lëshojka rendin çajit të Vushtrrisë e atij të Kaçanikut 😁”, kishte shkruar Pacolli.

Por asaj i është kundërpërgjigjur sot po nga Podujeva, shefi i shtabit zgjedhor të LDK-së, Lutfi Haziri, njëherit nënkryetar i kësaj partie, duke ironizuar keq me VV-në, shkruan Reporteri.net.