Lajme

LAJMI I FUNDIT: Gjashtë persona theren me thikë në “Rrugën B”

Një rrahje në mes të gjashtë personave ka ndodhur sonte në “Rrugën B” në Prishtinë.

Zëdhënësi i Policisë së Kosovës për Rajonin e Prishtinës, Agron Borovci ka treguar për Insajderin se rasti ka ndodhur rreth orës 21:00.

“Sot rreth orës 21:00 është pranuar informata për një rrahje në progres në rrugën ” B” në Prishtinë. Me të marrë informatëm policia, ka arritur në vendin e ngjarjes dhe ka arrestuar 6 persona të cilët ishin të përfshirë në rast”, ka thënë Borovci.

Tutje, Borovci ka treguar se të lënduarit janë dërguar për tretman mjekësor.

“Nga informacionet e para dyshohet që dy nga personat e shoqëruar në stacion, kanë pësuar lëndime trupore, (nga një mjet i mprehtë )dhe të njëjtit po dërgohen për trajtim mjekësor. Ndërkohë që policia po vazhdon punën për zbardhjen e rrethanave dhe motiveve që karakterizojnë ngjarjen”, ka thënë Borovci. /Insajderi.org


SHIKO EDHE: Mësoni si bëhet testi i COVID-19?