Lajme

Ky do të jetë moti për sot dhe nesër në Kosovë

Prishtina Weather ka njoftuar se nga nesër do të rikthehet sërish i nxehti afrikan dhe do të ketë rritje të temperaturave mbi vlera mesatare. Sipas parashikimeve të fundit, moti i nxehtë dhe me diell do të na shoqërojë edhe gjatë ditëve të fundjavës, raporton Express.

Nga dita e martë pritet të kemi një periudhë më stabile, e nga dita e mërkurë sërish mbi vend depërton i nxehti nga Afrika që sjell rritje të temperaturave mbi vlera mesatare, derisa pritet të mbajë mot kryesisht i kthjellët dhe me diell. E sipas parashikimeve të fundit mot i nxehtë e me diell mund të na shoqërojë edhe ditëve të fundjavës.

Cilësia e ajrit në ditët e ardhshme në përgjithëse mbetet në vlera të pranueshme, vetëm orëve të pasdites shkaku i rritjes së ozonit sipërfaqësor mund të kaloj në vlera mesatare.

Indeksi i rrezeve UV ditën e hënë do të jetë përreth vlerave mesatare, e nga e mërkura do të kalojë edhe në vlera shumë të larta, e që në kushte të një moti me kthjellime e diell, përgjatë orëve të mesditës, nga ora 10 deri 16, preferohet t’i ikim ekspozimit në rreze të diellit.

6.07 – Pjesërisht vranët dhe më nxehtë.

7.07 – Kryesisht me diell dhe nxehtë.

8.07 – Shumë nxehtë, kryesisht me diell.

9.07 – Shumë nxehtë dhe kryesisht me diell.

Temperaturat minimale luhaten nga 14C deri 17C, e maksimalet gradualisht në rritje nga 26C, të hënën, deri në 35C, ditën e premte.

Era do të fryjë e lehtë dhe mesatare kryesisht nga kahu verior 3-12m/s.

Shtypja atmosferike të hënën me tendencë të rënies, e më pas gradualisht në rritje./Gazeta Express


SHIKO EDHE: Mësoni si bëhet testi i COVID-19?